Sámegielat (Samiska)

Hallå konsument lea riikaviidosaš diehtojuohkinbálvalus mii jođihuvvo Konsumentverket ásahusas. Mii vástidit du gažaldagaid  mat ihtet dalle go áiggut oastit gálvvuid ja bargguid, go háliidat diehtit eavttuid birra šiehtadusain, reklamašuvnnain, movt gávppašit bistevaš vuogi mielde ja earáid main don nugo oasti dárbbašat veahki.

Min ofelaččat vástidit jearaldagaide ja čujuhit gos gávnnat áššedovdiid eará eiseválddiid luhtte, konsumentaásahusat dahje gielddaid konsumentaráđđeaddit. Jus it gávnna daid dieđuid maid ozat de don gávnnat min telefovnna, chatt, Facebook ja e-poastta bokte. 

Álkkit konsumentaárgabeaivi

Diehtojuohkinbálvalusa ulbmil lea dahkat álkibun dutnje guhte leat konsumeanta. Mii háliidit addit dutnje jođánis ja ávkkálaš vástádusaid mat doaivumis leat veahkkin dutnje go dagat dihtomielalaš válljejumiid.

Dá dat oasseváldit gos mii čohkkejit dieđuid:

Konsumentverket, Allmänna reklamationsnämnden, Boverket, Energimarknadsinspektionen, Fastighetsmäklarinspektionen, Finansinspektionen, Kemikalieinspektionen, Kronofogden, Livsmedelsverket, Naturvårdsverket, Pensionsmyndigheten, Post- och telestyrelsen, Statens energimyndighet, Konsumenternas Bank- och finansbyrå, Konsumenternas Energimarknadsbyrå, Konsumenternas Försäkringsbyrå, Telekområdgivarna och kommunernas konsumentvägledningar.

Váldde oktavuođa

Don máhtát álo bidjat jearaldagaid Hallå konsument go don dego oasti dárbbašat veahki dalle go oastát gálvvuid ja bargguid, go háliidat diehtit eavttuid birra šiehtadusain, reklamašuvnnain ja movt gávppašit bistevaš vuogi mielde. Mii vástidit dutnje ruoŧa dahje eŋgelas gillii.

Oktavuođaid guovddáš lea rabas árgabeivviid gaskkal 09.00- 17.00.

New opening hours since January 2017: Monday, Tuesday, Wednesday 09:00-15:00, (chat 09:00-16:00), Thursday 09:00-18.00 and Friday 09:00-12.00.

Telefonnummar: 0771- 525 525 *
Jus riŋget olgoriikkas: 046 771 525 525
Poastačujuhus: Hallå konsument, Konsumentverket, Box 48, 651 02 Karlstad
Čále midjiide: Geavat min oktavuođaskovi dalle go sáddet breava dahje e-poastta min lusa.

Almmolaš áššebáhporat

Buot báhpirat mat bohtet Hallå konsument háldui šaddet almmolaččat ja daid máhttet buohkat gáibidit oaččut ja lohkat. Jurdil danin dan birra makkár dieđuid don válljet sáddet min lusa. Muitte mii fertejit oažžut du oktavuođadieđuid vai galgat máhttit vástidit dutnje breava dahje e-poastta bokte.

Du riekti iežat gillii

Jus don golat soames dain nášunála veahádagaide dalle lea dus riekti geavahit iežat giela go leat oktavuođat eiseválddiiguin. Čállagis “Din rätt till ditt språk” oainnát makkár gielalaš vuoigatvuođat dus leat ja maid máhtát gáibidit eiseválddiin ja suohkanis.

Čála “Din rätt till ditt språk”

Justitieáittardeadjái,  Justitiekanslerii, Dáhkádusgássái, Vearrudoaimmahahkii ja Vealahanáittardeaddjái don álo máhtát čállit meängillii, suoma dahje sámegillii.  Don máhtát váldit oktavuođa Hallå konsument ruoŧa- dahje eaŋgalašgillii.

Jus dárbbašat dulkka

Jus dárbbašat dulkka veahki dalle go dus lea oktavuohta minguin dalle galgat váldit oktavuođa dulkangaskkusteaddjiin. Lea vuogas váldit veahki lagaš olbmos jus áššit gártet menddo váttisin. Jus don dattege it máhte dan dahkat ieš, de galggat váldit oktavuođa minguin vai mii máhttit veahkehit du.

* Telefonsáhka máksá sullii seammá ollu go báikkálaš telefonsáhka dahká. Haddi rievdá ja lea gitta das guhtemuš tele- operatövrra geavahat. Jus háliidat diehtit makkár haddi gárta de fertet váldit oktavuođa du tele- operatövrrain.

Teaksta lea jorgaluvvon ruoŧagielas. Jurddeš jorgaleapmi soaitá spiehkastit veháš vuođđoteavsttas. Gáldu lea beare dárkkistan ruoŧa teavstta.

Tipsa om sidan